• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زلمی خواتین کرکٹ لیگ سیزن ٹو کا پشاور میں آغاز، پہلے رور تین میچوں کا فیصلہ

میرا شہر
پشاور
29 نومبر ، 2025
پشاور (خصوصی نامہ نگار) پشاور زلمی اور زلمی فاؤنڈیشن کے زیر اہتمام خیبر پختونخوا حکومت اور یو این ویمن کے اشتراک سے زلمی خواتین کرکٹ لیگ سیزن ٹو پشاورمیں شروع ہوگئی، افتتاحی روز تین میچوں کا فیصلہ ہوگیا۔ سیکرٹری اعلیٰ تعلیم خیبر پختونخوا کامران آفریدی نے افتتاح کیا، پشاور زلمی اسٹار محمد حارث بھی موجود تھے۔ پہلے میچ میں ڈی آئی خان نے کوہاٹ کو آٹھ وکٹوں سے شکست دی ۔ کوہاٹ نے آٹھ اوورز میں پانچ وکٹوں پر 35 رنز بنائے ۔جواب میں ڈی آئی خان نے ہدف دو وکٹوں پر حاصل کرلیا ۔دوسرے میچ میں بنوں نے مردان کو آٹھ وکٹوں سے ہرایا ۔مردان نے پہلے بیٹنگ کرتے ہوئے آٹھ اوورز میں دو وکٹوں پر 95 رنز بنائے ۔ جواب میں بنوں نے ہدف دو وکٹوں پر حاصل کیا۔ تیسرے میچ میں پشاور نے مالاکنڈ کو آٹھ رنز سے ہرایا ۔پشاور نے آٹھ اوورز میں پانچ وکٹوں پر 59 رنز بنائے ۔ جواب میں مالاکنڈ کی ٹیم دو وکٹوں پر51 رنز بناسکی ۔لیگ کے سیمی فائنلز اور فائنل یکم دسمبر کو کھیلے جائیں گے ۔ اس سال کا ایڈیشن’’خواب سے حقیقت تک‘‘ کے وژن کو مزید مضبوط کرتے ہوئے خواتین کرکٹ کے فروغ کے لئے لیگ کھیلی جارہی ہے۔،حکومتِ خیبر پختونخوا، محکمہ اعلیٰ تعلیم اور ڈی جی اسپورٹس خیبر پختونخوا لیگ میں تعاون کر رہے ہیں۔ یہ اشتراک خواتین کو بااختیار بنانے، مساوی مواقع فراہم کرنے اور نوجوان کھلاڑیوں کو پیشہ ورانہ کھیلوں میں آگے بڑھنے کے مواقع دینے کیا گیا ہے۔
پشاور سے مزید