فرمان الہی
نماز کے اوقات
-is-clean-bowled-by-Pakistans-Mohammad-Nawaz_akhbar.jpg)
کراچی(اسٹاف رپورٹر) بولروں کی حیران کن کارکردگی کے باعث پاکستان نے تین ملکی کرکٹ ٹورنامنٹ بآسانی جیت لیا۔فائنل میں سابق عالمی چیمپئن سری لنکن ٹیم مزاحمت کرنے میں ناکام رہی۔ سرد موسم میں پاکستان نے سری لنکا کو فائنل میں چھ وکٹ سے شکست دے دی۔ پاکستان کے محمد نوازپلیئر آف دی میچ اور سیریز کا اعزاز اپنے نام کرنے میں کامیاب رہے، ٹورنامنٹ میں دس وکٹ حاصل کی۔ صاحبزادہ فرحان بیٹر آف دی ٹورنامنٹ رہے۔ پاکستان نے2025 میں 34 میں سےسب سے زیادہ 21میچ جیتے ہیں اسے 13 میچوں میں شکست ہوئی ہے۔ بابر اعظم 34 گیندوں پر 37 رنز بناکر ناٹ آوٹ رہے۔ عثمان خان تین رنز بناکر ناٹ آوٹ رہے۔ پاکستان نے 8 گیندیں پہلے ہدف عبور کرلیا۔ صاحبزادہ فرحان 23، صائم ایوب 36، سلمان آغا 14، فخر زمان تین رنز بناکر ہمت ہار گئے۔ راولپنڈی کرکٹ اسٹیڈیم میں سری لنکا ٹیم کی پہلی وکٹ 20 رنز پر گری، کامل مشارا 59 مینڈس 14 اور پاتھم نسانکا نے 11 رنز بنائے۔ تین کے علاوہ کوئی بیٹر ڈبل فیگر میں داخل نہ ہوسکا۔ پوری ٹیم 20 اوورز بھی نہ کھیل سکی اور 114 رنز پر آل آؤٹ ہوگئی۔ محمد نواز نےتین، ابرار احمد نے دو، صائم ایوب ایک، شاہین شاہ آفریدی نےتین اور سلمان مرزا نے ایک وکٹ لی۔
