فرمان الہی
نماز کے اوقات
اسلام آباد(فاروق اقدس)فن لینڈ نے آپریشنل اور اسٹرٹیجک وجوہات کی بنا پر پاکستان، افغانستان اور میانمار میں اپنے سفارتخانوں کو بند کرنے کا فیصلہ کیا ہے،وزیرِخارجہ ایلینا والٹونن نے کہاہے کہ اسٹریٹجک وجوہات پر اقدام ، بیرونِ ملک مشنزنیٹ ورک منظم طریقے سے بہتر بنائینگے۔فن لینڈ کی وزیرِ خارجہ ایلینا والٹونن نے کہا کہ ہم مستقبل کے چیلنجز سے نمٹنے کے لیے بیرونِ ملک فن لینڈ کے مشنز کے نیٹ ورک کو منظم طریقے سے بہتر بنائیں گے،اس سے قبل 2012 میں بھی فن لینڈ نے مالی مسائل کے باعث پاکستان میں اپنا سفارتخانہ بند کر دیا تھا، تاہم 2022 میں مشن دوبارہ کھول دیا گیا تھا۔2023 میں سویڈن نے بھی سیکورٹی صورتحال کے باعث اسلام آباد میں اپنا سفارتخانہ غیر معینہ مدت کے لیے بند کر دیا تھا۔ اعلامیےکے مطابق فن لینڈ کی وزارتِ خارجہ نے آپریشنل اور اسٹریٹجک وجوہات کی بنا پر اسلام آباد، کابل اور یانگون میں فن لینڈ کے سفارتخانوں کو 2026 میں بند کرنے کا فیصلہ کیا ہے جو متعلقہ ممالک کی سیاسی صورتحال میں تبدیلیوں اور فن لینڈ کے ساتھ محدود تجارتی و اقتصادی تعلقات سے جڑی ہوئی ہیں۔
