فرمان الہی
نماز کے اوقات
دادو ( نامہ نگار جاوید ناریجو) وزیر اعلیٰ سندھ سید مراد علی شاہ نے کہا ہے کہ عوام کو نئے صوبوں اور سندھ کی تقسیم پر پریشان ہونے کی ضرورت نہیں، نئے صوبوں اور سندھ کی تقسیم پرہم میں سے کوئی ایک بھی اس پر راضی نہیں،28 ویں ترمیم سے متعلق جو معلومات سامنے آئی ہیں اسی پر ردعمل دیا جائے گا،پریس کلب بھان سعید آباد میں میڈیا نمائندگان سے گفتگو اور نئے صوبوں کے قیام ، سندھ کی تقسیم کے حوالے سے پھیلائی جانے والی افواہوں پر وضاحت کرتے ہوئے وزیر اعلیٰ سندھ نے کہا کہ عوام کو اس معاملے پر پریشان ہونے کی ضرورت نہیں۔ 28 ویں ترمیم سے متعلق سید مراد علی شاہ نے کہا کہ جو معلومات ہمارے سامنے آئی ہیں اسی پر ردعمل دیا جائے گا۔ انہوں نے مزید کہا کہ پاکستان اور سندھ کے مفاد کے خلاف کوئی بھی اقدام پاکستان پیپلز پارٹی قبول نہیں کرے گی۔ گورنر کی تقرری کے حوالے سے وزیر اعلیٰ نے وضاحت کی کہ صوابدیدی اختیار صرف وزیر اعظم اور صدر کے پاس ہے ،چینی کی قیمت کے مسئلے پر وزیر اعلیٰ نے تشویش کا اظہار کرتے ہوئے بتایا کہ انہوں نے چیف سیکرٹری سے بات کی ہے تاکہ کسانوں کو ان کا حق مل سکے۔
