• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان آئیڈل: سخت محنت کے باوجود کبھی ہمت نہیں ہاری، آریان بھٹی

آج کا اخبار
اہم خبریں
02 دسمبر ، 2025
کراچی (محمد ناصر) بہاولپور کے باصلاحیت نوجوان گلوکار آریان نوید بھٹی اپنی بھرپور محنت، خوبصورت آواز اور والدین کی دُعاؤں کے سہارے پاکستان آئیڈل 2025میں موجود ہیں۔ انہوں نےبتایاکہ پاکستان آئیڈل:سخت محنت کے باوجود کبھی ہمت نہیں ہاری،
چھوٹے اسٹوڈیو سے سب سے بڑے سنگنگ پلیٹ فارم تک پہنچا، والدین کی دُعائیں ساتھ ہیں، جب وہ کراچی سے اپنے علاقے واپس پہنچے تو اہلِ محلہ نے ڈھول کی تھاپ پر ان کا شاندار استقبال کیا، آریان نوید بھٹی نے ”جیونیوز“ سے گفتگو میں بتایا کہ انہوں نے اپنے خواب کو حقیقت بنانے کیلئے گھر میں ایک چھوٹا میوزک اسٹوڈیو قائم کر رکھا ہے ۔ کالج پہنچنے پر آریان کے دوستوں اور اساتذہ نے بھی اُن کا استقبال کیا۔ آریان کے اساتذہ نے بتایا کہ یہ بہت قابل اور ہونہار طالب علم ہے، یہ پاکستان کا نام روشن کرے گا۔ کلاس فیلوز نے کہا کہ آریان بہت اچھا لڑکا ہے، سب کے ساتھ تعاون کرتا ہے، ہم کھانا پینا گھومنا ساتھ کرتے ہیں اور یہ ہر ایک کے ساتھ بہترین برتاؤ کرتا ہے۔ ان کے مطابق آریان کا ٹاپ 16 میں پہنچنا اُن کی جدوجہد اور غیر معمولی لگن کا نتیجہ ہے۔ والدین نے دُعا کی کہ موسیقی کی دنیا میں آریان نوید بھٹی اپنا منفرد مقام بنائے اور ملک کا نام روشن کرے۔
اہم خبریں سے مزید