فرمان الہی
نماز کے اوقات
کراچی (اسٹاف رپورٹر) سندھ میں ڈینگی سے ایک ہلاکت اور 173کیسز رپورٹ ہوئے ہیں۔ ڈائریکٹر جنرل صحت سندھ کے جاری کردہ اعداد و شمار کے مطابق صوبے بھر کے سرکاری اسپتالوں میں ڈینگی کے 21 اور نجی اسپتالوں میں 25 نئے مریض داخل ہوئے، جس سے داخل مریضوں کی مجموعی تعداد 48ہو گئی ہے۔ کراچی ڈویژن کے سرکاری اسپتالوں میں 15اور حیدرآباد میں 2مریض داخل ہوئے۔ رپورٹ کے مطابق سرکاری اسپتالوں میں 25 اور نجی اسپتالوں میں 20مریض صحتیاب ہو کر گھروں کو روانہ ہوئے۔ سرکاری و نجی لیبارٹریوں میں 1,984افراد کے ٹیسٹ کیے گئے جن میں سے 173 کے نتائج مثبت آئے۔
