فرمان الہی
نماز کے اوقات
کراچی (اسٹاف رپورٹر) اسٹارز اور کانکررز کے درمیان نیشنل ویمنز ون ڈے ٹورنامنٹ کا فائنل ٹائی ہوگیا۔ یوں دونوں ٹیموں کو مشترکہ طور پر فاتح قرار دے دیا گیا۔ اتوار کوفیصل آباد میںکانکررز نے ٹاس جیت کر پہلے بیٹنگ کی اور 50 اوورز میں 218 رنز بناکر آؤٹ ہوگئی۔جواب میں اسٹارز کی ٹیم بھی49.3 اوورز218 رنز بناکر آؤٹ ہوگئی۔ کانکررز کی اننگز میں ارم جاوید نے پانچ چوکوں کی مدد سے 51 رنز بنائے ۔ سائرہ جبین نے پانچ چوکوں کی مدد سے 43 اور کپتان فاطمہ ثنا نے 5 چوکوں کی مدد سے 33 رنز اسکور کیے۔ معصومہ فاطمہ نے تین وکٹیں حاصل کیں۔ انعم امین اور ڈیانا بیگ نے دو دو کھلاڑیوں کو آؤٹ کیا۔ اسٹارز کی اننگز میں کپتان سدرہ امین نے 8 چوکوں کی مدد سے 51 رنز کی اننگز کھیلی۔ کائنات حفیظ نے 37 اور گل رخ نے 35 رنز بنائے۔ صائمہ ملک نے 42 رنز دے کر 4 وکٹیں حاصل کیں۔ ام ہانی نے تین اور عائشہ بلال نے دو کھلاڑیوں کو آؤٹ کیا۔ ارم جاوید پلیئر آف دی میچ قرار پائیں۔ بہترین وکٹ کیپرمنیبہ علی ، بہترین بولر انعم امین، بہترین بیٹر، سدرہ امین اورر پلیئرز آف دی ٹورنامنٹ سیدہ عروب شاہ اور ام ہانی قرار پائیں۔
