• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بیوٹمز سٹوڈنٹس جوائنٹ کمیٹی کا قیام، دس نکاتی اعلامیہ جاری

میرا شہر
کوئٹہ
08 دسمبر ، 2025
کوئٹہ ( اسٹاف رپورٹر)اسلامی جمعیت طلبہ بیوٹمز کے زیر اہتمام اسٹوڈنٹس آرگنائزیشنز کانفرنس میں بیوٹمز کی بعض پالیسیوں کے خلاف بیوٹمز سٹوڈنٹس جوائنٹ کمیٹی بنانے کا فیصلہ کیاگیا ناظم اسلامی جمعیت طلبہ کوئٹہ اخونزادہ عطاءالرحمٰن اور طلباء تنظیموں کے رہنماؤں نے خطاب کرتے ہوئے مجموعی طور پر دس نکاتی اعلامیہ جاری کیا اور سب نے مل کر چلنے کا فیصلہ کیااعلامیہ میں مطالبہ کیاگیافیسوں کی مد میں چھ ہزار روپے اضافے کے فیصلے پر نظرثانی کی جائے،لاء کیمپس کی بسوں کی تعداد بڑھائی جائے ،کارڈز چیکنگ کے نام پر طلبہ کی تذلیل بند کی جائے، انٹری پالیسی اپنا کر عام طالبعلوں کو جامعہ،لیبز و لائبریری تک رسائی دی جائے،سٹک آف پالیسی کے میرٹ کا مکمل خیال رکھتے ہوئے5یا7 کی بجائے پہلےتین سیمسٹرز میں ہی کارروائی کی جائے، وی سی،پرو وی سی، رجسٹرار و تمام ڈائریکٹرز تک عام طلباء کی رسائی آسان بنائی جائے، تمام فیکلٹیز میں ہراسمنٹ کیسزوشکایات حل کرنے کے لئے آسان میکنزم ترتیب دیا جائے،تمام پی ایچ ڈیز کو ڈیپارٹمنٹ میں بھیجاجائے تاکہ تدریسی خدمات انجام دے سکیں ،سیاسی بنیادوں پر انتقامی کارروائیوں سے گریز کیا جائے، جامعہ کے اندر تمام سیاسی مثبت سرگرمیوں،سٹڈی سرکل،گروپ ڈسکشنز،اجتماعات پر قدغن نہ لگایا جائے۔
کوئٹہ سے مزید