فرمان الہی
نماز کے اوقات
اسلام آباد (نیو زرپورٹر) انڈونیشیاکے صدر پر ابووو سوبیانتو پاکستان کے 2روزہ دورے پر اسلام آباد پہنچ گئے۔ صدر مملکت آصف علی زرداری اور وزیراعظم شہباز شریف نے نورخان ایئربیس پر ان کا پرتپاک استقبال کیا۔ وفاقی کابینہ کے ارکان اور اعلیٰ حکام بھی انڈونیشیاکے صدر کے استقبال کیلئے موجود تھے۔صدر پرابووو سوبیانتو آج وزیرِاعظم کے ساتھ وفود کی سطح پر مذاکرات کرینگے۔ دورے کے دوران دونوں ممالک تجارت، سرمایہ کاری، دفاع، صحت، آئی ٹی، موسمیاتی تبدیلی، تعلیم، ثقافت سمیت مختلف شعبوں میں تعاون کے فروغ اور علاقائی و عالمی سطح پر شراکت داری کو مزید مضبوط بنانے پر جامع تبادلہ خیال کریں گے۔ تفصیلات کے مطابق انڈونیشیاکے صدر پر ابووو سوبیانتو پاکستان کے 2روزہ دورے پر اسلام آباد پہنچ گئے۔ انڈونیشیاکے صدر طیارے سے باہر آئےتو صدر مملکت آصف علی زرداری اور وزیراعظم محمد شہباز شریف نےان سے پرجوش مصافحہ کیا۔ روایتی لباس میں ملبوس بچوں نے انڈونیشیاکے صدرپرابووو سوبیانتو کو پھول پیش کئے۔انڈونیشیا کے صدر کا اس موقع پر صدر مملکت اور وزیراعظم سے خوشگوار جملوں کا تبادلہ ہوا۔ دونوں ملکوں کے پرچم تھامے بچوں نے معزز مہمانوں کو خوش آمدید کہا۔ انڈونیشیا کے صدر کو 21 توپوں کی سلامی بھی دی گئی۔انڈونیشیا کے صدرکووزیراعظم شہباز شریف نے دورے کی دعوت دی تھی۔
