کراچی (اسٹاف رپورٹر) قومی گیمز فٹبال ایونٹ کے سیمی فائنل کے بعد کھلاڑی آپس میں لڑ پڑے، سیمی فائنل میں آرمی نے واپڈا کو 4-3سے ہرایا، فتح کا جشن منانے کے بعد کھلاڑیوں میں سخت جملوں کا تبادلہ ہوا، اس دوران ریفری کے فیصلے پر ناراض واپڈا کے کھلاڑیوں نے ان پرتشدد کیا ، میچ کمشنر اور آفیشل معاملے کی رپورٹ پی او اے اور فٹبال فیڈریشن کو بھجوائیں گے۔ معاملے پر دونوں ٹیموں کے کھلاڑیوں کے خلاف انضباطی کارروائی کا امکان ہے۔