فرمان الہی
نماز کے اوقات
کراچی (اسٹاف رپورٹر) محکمہ تعلیم اسکول ایجوکیشن کراچی میں کلریکل اسٹاف کی سینیارٹی لسٹ میں مبینہ بے ضابگیاں اور میرٹ پر پورا نہ اترنے والے ملازمین کو نوازنے کے الزامات سامنے آئے ہیں۔ حیرت انگیر طور پر چیف سیکرٹری اور ہائی کورٹ سندھ کے احکامات کو بھی نظر انداز کردیا گیا۔ متاثرہ افراد نے دعویٰ کیا ہے کہ اسسٹنٹ کی سینیارٹی لسٹ میں غیر قانونی تبدیلیاں کی گئیں تاکہ مخصوص ملازمین کو فائدہ پہنچایا جائے۔ جبکہ اصل سینئر اور حق دار ملازمین کو ترقی کے حق سے محروم رکھا گیا۔ سینئر ملازمین کا کہنا ہے کہ برسوں خدمات انجام دینے والے افراد کو پست درجے پر رکھتے ہوئے میرٹ کے برخلاف بعض جونیئر ملازمین کو پروموشن دے دی گئی ہے۔ وزیر اعلیٰ سندھ، چیف سیکرٹری ، نیب اور دیگر اعلیٰ اداروں سے مطالبہ ہے کہ معاملے کی فوری اور شفاف انکوائری کرکے انصاف اور میرٹ کا نظام بحال کیا جائے۔
