فرمان الہی
نماز کے اوقات
ملتان(سٹاف ر پورٹر) ایڈیشنل سیشن جج ملتان نے مرضی کی شادی کرنیوالی لڑکی کو ہراساں و پریشان کرنے سے متعلق درخواست پر ایس ایچ او تھانہ نیو ملتان کو ہراساں کرنے سے باز رہنے کا حکم دیا ہے،ایڈیشنل سیشن جج ملتان نے خاتون کو زیادتی کا نشانہ بنانے کے مقدمہ میں ملوث ملزم محمد رمضان کی عبوری ضمانت پر سماعت وکلا بحث کے بعدمنظور کر نے کا حکم دیا ہے، ایڈیشنل سیشن جج ملتان نے بوگس چیک دینے کے مقدمہ میں ملوث ملزم محمد آصف علی کی عبوری ضمانت پر سماعت وکلا بحث کے بعد خارج کرنے کا حکم دیا ہے ،ایڈیشنل سیشن جج ملتان نے بھاری مقدار میں منشیات برآمد ہونے کے مقدمہ میں گرفتار ملزم جاوید محمود کی ضمانت وکلا دلائل کے بعد منظور کرتے ہوئے رہا کرنے کا حکم دیا ہے، جوڈیشل مجسٹریٹ ملتان نے غیر قانونی اسلحہ رکھنے کے مقدمہ میں گرفتار ملزم اکرم کی ضمانت کو 50 ہزار روپے کے مچلکوں کے عوض منظور کر لیا ہے‘ ایڈیشنل سیشن جج ملتان نے خاتون کو تشدد کا نشانہ بنانے کے مقدمہ میں ملوث ملزم محمد یامین کی عبوری ضمانت پر سماعت وکلا بحث کے بعد خارج کر نے کا حکم دیا ہے‘ ایڈیشنل سیشن جج ملتان نے واپڈا کی مین لائن میں ڈائریکٹ تار لگا کر بجلی چوری کرنے کے مقدمہ میں ملوث ملزم محمد وقاص کی عبوری ضمانت 50 ہزار کے ضمانتی مچلکوں کے عوض کنفرم کرنے کا حکم دیا ہے،ایڈیشنل سیشن جج ملتان نے چوری کے مقدمہ میں گرفتار ملزم عبدالحنان کی ضمانت وکلا بحث کے بعد خارج کرنے کا حکم دیا ہے، ایڈیشنل سیشن جج ملتان نے شہری کو اغواء برائے تاوان کے مقدمہ میں ملوث ملزم محمد اکرم کی عبوری ضمانت پر سماعت وکلا بحث کے بعد خارج کر نے کا حکم دیا ہے جبکہ جوڈیشل مجسٹریٹ ملتان نے شوہر کے ظلم و ستم سے تنگ اکر گھر چھوڑنے والی خاتون اقرا بی بی کو دارالامان بھجوا دیا۔
