فرمان الہی
نماز کے اوقات
کراچی(اسٹاف رپورٹر) کرکٹ آسٹریلیا کے چیف ایگزیکٹو ٹوڈ گرین برگ کا کہنا ہے کہ پیسی بی نے پاکستانی کھلاڑیوں کی بگ بیش لیگ کا مکمل سیزن کھیلنے کی یقین دہانی کرائی گئی ہے۔ ہمیں بتایا گیا ہے کہ بی بی ایل میں جن کھلاڑیوں کے معاہدے ہوئے ہیں وہ پورا سیزن کھیلیں گے۔ بدھ کو ایک بیان میں انہوں نے کہا کہ ٹی ٹوئنٹی سیریز کے لیے پاکستان کا دورہ شیڈول کے مطابق ہوگا، سیریز کی تاریخوں کا اعلان ہونا ہے، دورہ پاکستان کے حوالے سے ایشیز سیریز کے بعد کھلاڑیوں سے بات کریں گے۔ کھلاڑیوں کو سکیورٹی کے حوالے سے تمام معاملات سے آگاہ کریں گے، 2022 میں کھلاڑیوں کے ساتھ پاکستان جا چکا ہوں اور یہ بڑا اچھا تجربہ تھا۔ واضح رہے کہ دورہ سری لنکا کی وجہ سے پاکستان ٹیم کے کھلاڑیوں کا بی بی ایل کا پورا سیزن نہ کھیلنے کا خدشہ تھا، پاکستان نے جنوری میں سری لنکا کا دورہ کرنا ہے۔ ذرائع کا کہنا ہے کہ جس پاکستانی کھلاڑی کی جب بھی قومی ڈیوٹی کے لیے ضرورت ہو گی اسےطلب کیا جا سکتا ہے ۔ ٹیم کے اعلان کے وقت کھلاڑی کی ضرورت کے مطابق فیصلہ کیا جائے گا، تمام کھلاڑیوں کو واپس طلب نہیں جا ئے گا، دورہ سری لنکا کے لیے ایک سے دو کھلاڑیوں کو طلب کیا جا سکتا ہے، شاداب خان طلب کیے جانے والے کھلاڑیوں میں شامل ہو سکتے ہیں، جبکہ بابر اعظم کو پاکستان ٹیم میں شامل کیا جائے گا۔
