• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

PNS خیبر کی شمولیت سے بحری سلامتی مزید مضبوط ہوگی، صدر، وزیراعظم

آج کا اخبار
اہم خبریں
22 دسمبر ، 2025
اسلام آباد (نمائندہ خصوصی ، نیو زرپورٹر) صدر مملکت آصف علی زرداری اور وزیر اعظم شہباز شریف نے پی این ایس خیبر کی شمولیت سے پاکستان کی سمندری سرحدوں کا تحفظ اور بحری سلامتی مزید مضبوط ہو گی،بحری قوت اور صلاحیت میں اضافہ پاکستان کی معیشت، تجارت اور سمندری راستوں کے تحفظ کے لیے ناگزیر ہے، انہوں نے ترکیہ میں بحری جہاز پی این ایس خیبر کی کمیشننگ پر پاک بحریہ، دفاعی ماہرین اور تمام شراکت داروں کو مبارکباد دی ہے ۔ایوان صدر کے پریس ونگ سے جاری بیان کے مطابق صدرِ مملکت نے پی این ایس خیبر کی کمیشننگ پر پاک بحریہ، دفاعی ماہرین اور تمام شراکت داروں کو مبارکباد دی، انہوں نے کہا کہ جدید بحری جہاز کی شمولیت پاکستان اور ترکیہ کے درمیان دفاعی تعاون باہمی اعتماد اور دیرینہ برادرانہ تعلقات کا مظہر ہے، انہوں نے دفاعی صنعت میں دوطرفہ شراکت داری کو مزید وسعت دینے کے عزم کا اعادہ کیا، انہوں نے کہا کہ بحری طاقت میں اضافہ پاکستان کی معیشت، تجارت اور سمندری راستوں کے تحفظ کیلئے ناگزیر ہے،ملجم کلاس جہازوں کا منصوبہ دونوں ممالک کی تکنیکی مہارت اور مشترکہ وژن کی کامیاب مثال ہے۔
اہم خبریں سے مزید