فرمان الہی
نماز کے اوقات
لاہور (این این آئی)انسداد دہشت گردی عدالت لاہور نے نو مئی کے دو مقدمات کا تحریری فیصلہ جاری کر دیا جس میں محمود الرشید کو 33سال، ڈاکٹر یاسمین، اعجاز چوہدری اور عمر چیمہ کو دس دس سال قید کی سزا سنائی گئی۔عدالت نے جرم ثابت نہ ہونے پر 23ملزمان کو بری کردیا۔ عدالت نے میاں محمود الرشید کو مجموعی طور پر 33سال قید اور چھ لاکھ روپے جرمانے کی سزا سنائی، ڈاکٹر یاسمین راشد ، عمر سرفراز چیمہ اور اعجاز چوہدری کو دس دس سال قید کی سزا سنائی، میاں محمود الرشید کو الگ الگ سکیشنز میں سزائیں سنائی گئیں۔ تحریری فیصلے کے مطابق ڈاکٹر یاسمین راشد ،اعجاز چوہدری اور عمر سرفراز چیمہ دونوں سازش کی میٹنگ میں موجود ہونا ثابت ہوتا ہے، عدالت نے رہنماؤں سمیت سات ملزمان کو جرم ثابت ہونے پر قید کی سزا سنائی۔فیصلہ دیا گیا کہ پراسکیوشن کے مطابق ڈاکٹر یاسمین راشد سمیت چار رہنماؤں نے ملک میں جلاؤ گھیراؤ کیلئے عوام میں انتشار پھیلایا، پراسکیوشن نے مختلف واٹس ایپ امیسجز اور 70سوشل میڈیا اکاؤنٹس کی تفصیلات فراہم کیں، ملزمان کیخلاف فرانزک رپورٹس بھی کمرہ عدالت میں پیش کی گئیں۔
