ملتان (سٹاف رپورٹر) جامعہ سعیدیہ حسان بن ثابت مین سوئی گیس روڈ میں بیسواں سالانہ جلسہ دستارِ فضیلت و معراج النبی ﷺ منعقد ہوا، تقریب کی صدارت جماعت اہل سنت پاکستان کے مرکزی امیر علامہ پروفیسر سید مظہر سعید شاہ کاظمی نے کی،جبکہ درگاہ عالیہ مرشدآباد شریف کے سجادہ نشین معروف روحانی پیشوا پیرخواجہ محمد خالد محمود احمد نقشبندی،صاحبزادہ ذیشان کلیم معصومی،علامہ ڈاکٹرغلام عباس، میاں جمیل احمد، میاں حاجی آصف، مرزا حاجی عبدالرشید، صوفی محمد خلیل معصومی، صوفی مرزا افضال حسین الطافی، قاری حق نواز سعیدی، قاری اسماعیل سعیدی، قاری محمد حسنین، قاری دین محمد سمیت دیگر ممتاز شخصیات نے بطور مہمانِ خصوصی شرکت کی،جلسہ سے خطاب کرتے ہوئے جماعت اہل سنت پاکستان کے مرکزی امیر علامہ سید مظہر سعید شاہ کاظمی،شیخ الحدیث علامہ سید ارشد سعید شاہ کاظمی اور علامہ سید احسن سعید شاہ کاظمی نے کہا کہ عقیدہ ختم نبوت اور ناموسِ رسالت ﷺ کا تحفظ ہمارے ایمان کی اساس ہے اور اہل سنت ملک کی نظریاتی سرحدوں کی حفاظت کے لیے کسی بھی قربانی سے دریغ نہیں کریں گے ۔ انہوں نے زور دیا کہ ملک میں معاشی بحران، بے چینی اور اخلاقی پستی کا واحد علاج نظامِ مصطفیٰ ﷺ کا عملی نفاذ ہے۔ مقررین نے کہا کہ واقعہ معراج رحمت دوعالم کا رہتی دنیا تک زندہ معجزہ ہے انہوں نے جامعہ سے فارغ التحصیل ہونے والے طلباء کو مبارکباد دیتے ہوئے انہیں معاشرے کی اصلاح کے لیے میدانِ عمل میں نکلنے کی خصوصی تلقین کی۔تقریب کے آخری مرحلے میں جامعہ سے فارغ التحصیل ہونے والے قراء، حفاظ اور علماء کی دستار بندی کی گئی اور نمایاں تعلیمی کارکردگی دکھانے والے طلباء میں حسن کارکردگی ایوارڈز اور اسناد تقسیم کی گئیں۔
فرمان الہی
نماز کے اوقات
