فرمان الہی
نماز کے اوقات
اسلام آباد (خصوصی نامہ نگار) گورنر خیبر پختونخوا فیصل کریم کنڈی نے کہا ہے کہ فوج چلی جائے تو PTIدو دن صوبہ نہیں سنبھال سکتی، ایک شخص اڈیالہ جیل میں قید ہے اور انتشار کیلئے ٹویٹس کرتا ہے، ان خیالات کا اظہار صحافی علمدار بلوچ کی والدہ کے ایصال ثواب کیلئے فاتحہ خوانی کے بعد میڈیا سے گفتگو کرتے ہوئے کیا، اس موقع پر پی ایف یو جے کے صدر افضل بٹ کے علاقہ سینئر صحافیوں کی کثیر تعداد بھی موجود تھی، گورنر نے کہا کہ مقدمات دلیل اور دلائل کیساتھ لڑے جاتے ہیں گالم گلوچ سے نہیں،ایک طرف کہتے ہیں مذاکرات کا اختیار اچکزئی اور راجہ ناصر عباس کو دیا ہے دوسری طرف سے ٹویٹ آتا ہے کوئی مذاکرات نہیں کر رہے۔ خیبرپختونخوا میں دہشتگردی اور امن و امان کی صورتحال ابتر ہے، افغان مہاجرین کا وقت گزر گیا اب یہ غیر قانونی پناہ گزین ہیں، اگر کسی نے پڑھنا ہے تو لیگل ویزوں پر آئے، پاکستان میں کوئی شہری بغیر ویزے کے نہیں رہ سکتا، ڈی ائی خان اور کیڈٹ کالج وانا میں حملے ہوئے جس میں افغان باشندے ملوث تھے،ہم نے بار بار افغان حکومت سے کہا ہے اپنی سرزمین ہمارے خلاف استعمال نہ ہونے دے، یہ دہشتگرد انڈیا اور اسرائیل کے ہاتھوں میں کھیل رہے ہیں، ہندوستان کو اپنے فوج پر بڑا غرور تھا ہم نے چار دن مین شکست دی،آج دنیا ہمارے ساتھ دفاعی معاہدے اور کاروبار کرنا چاہتی ہے۔
