فرمان الہی
نماز کے اوقات
اسلام آباد ( فاروق/ اقدس )سال 2025 میں پاکستان کی عالمی منظر نامے میں سفارتی سطح پر کامیابیوں کا ایک اور اعتراف سامنے آگیا ہے برطانوی جریدے" دی ٹیلی گراف" نے بھی پاکستان کی بین الاقوامی سطح پر کامیاب سفارت کاری کو تسلیم کرتے ہوئے فیلڈ مارشل سید عاصم منیر کو اس کامیابی کا مرکزی کردار قرار دیا ہے معروف برطانوی جریدے ڈیلی ٹیلی گراف کے مطابق 2025 میں پاکستان نےعالمی منظر نامے میں اپنی سفارتی اور عسکری موجودگی کو نمایاں طور پر مضبوط کیا رپورٹ میں بتایا گیا ہے کہ بھارت کی بھرپور لابنگ کے باوجود اس بار پاکستان سفارتی سطح پر واضح سبقت حاصل کرنے میں کامیاب ہوا پاکستان کو ٹیرف کے معاملے پر کئی ممالک کے مقابلے میں بہتر تجارتی رعایتں دی گئی وزیراعظم شہباز شریف اور فیلڈ مارشل عاصم منیر کو اوول آفس میں براہ راست پذیرائی اور رسائی حاصل ہوئی برطانوی جریدے کے مطابق پاکستان کی کامیاب سفارت کاری کو بین الاقوامی سطح پر تسلیم کیا گیا جس میں فیلڈ مارشل سید عاصم منیر نے فرنٹ فٹ پر رہتے ہوئے اہم کردار ادا کیا پاکستان نے نہ صرف امریکہ میں اپنے حق میں اعتماد کی فضا قائم کی بلکہ ٹھوس اقدامات کے ذریعے اپنی سٹریٹیجک اہمیت کو بھی ثابت کر کے دکھایا اخبار کی رپورٹ کے مطابق ایبی گیٹ حملے کے ملزم کی امریکہ حوالگی اور ٹرمپ انتظامیہ کے ساتھ قریبی تعلقات نے پاک امریکہ تعلقات میں ایک اہم پورٹ موڑ پیدا کیا امریکی کانگرس سے خطاب میں ٹرمپ نے دہشت گردی کے خلاف عملی تعاون پر پاکستان کا خصوصی شکریہ ادا کیا اور پہلے دور کے تلخ تجربات کے باوجود پاکستان واشنگٹن میں دوبارہ مضبوط مقام حاصل کرنے میں کامیاب ہو گیا جریدے کے مطابق وائٹ ہاؤس میں پاکستان کی موثرسفارت کاری نے ماحول کو تبدیل کیا ٹرمپ کو نوبل امن انعام کے لیے نامزد کرنا بھی ایک غیر معمولی سفارتی اقدامات ثابت ہوا ایبی گیٹ حملے کے ملزم کی گرفتاری کے صرف دو دن بعد امریکہ کو حوالگی نے پاکستان کی سنجیدہ نیت کو واضح کیا ایک سابق امریکی عہدہ دار نے اسے پاک امریکہ تعلقات میں اعتماد بڑھانے کا طاقتوراشارہ قرار دیا ڈیلی ٹیلی گراف کی رپورٹ میں کہا گیا ہے کہ پاکستان نے خطے میں کشیدگی کے دوران ذمہ دارانہ رویہ اپناتے ہوئے غیر روایتی سفارت کاری کے ذریعے وائٹ ہاؤس کے ساتھ تعلقات کو ہینڈل کیا جون 2025 میں فیلڈ مارشل سید عاصم منیر کی صدر ٹرمپ سے نجی اور آف دی ریکارڈ ملاقات ہوئی جس کے بعد ٹرمپ نے انہیں پسندیدہ فیلڈ مارشل قرار دیا ۔
