• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈاکٹر کبیر احمد سدھو سیکیورٹیز اینڈ ایکسچینج کمیشن کے چیئرمین مقرر

آج کا اخبار
اہم خبریں
11 جنوری ، 2026
اسلام آباد (رانا غلام قادر،عاطف شیرازی) وفاقی حکومت نے ڈاکٹر کبیر احمد سدھو کو سیکیورٹیز اینڈ ایکسچینج کمیشن آف پاکستان(SECP) کا نیا چیئرمین تعینات کردیا ہے۔وفاقی کابینہ کی منظوری کے بعد وفاقی وزارت خزانہ نےنوٹیفکیشن جاری کر دیا ہے، تعیناتی کا اطلاق فوری طور پر ہوگا۔اس سے قبل ڈاکٹر کبیر احمد سدھو چیئرمین مسابقتی کمیشن آف پاکستان تعینات تھے۔عاکف سعید کی بطور چیئرمین ایس ای سی پی تین سالہ مدت گذشتہ ماہ ختم ہونےپر عہدہ خالی ہوگیاتھا۔اس سے پہلے وفاقی حکومت نے ڈاکٹر کبیر احمد سدھو کو ایک علیحدہ نوٹیفیکیشن کےذریعے ایس ای سی پی میں کمشنرز مقرر کیا اور اب ایک اور نئے نوٹیفکیشن کےذریعے انہیں چیئرمین ایس ای سی پی تعینات کیا گیا ہے- ڈاکٹر سدھو قانون میں بیچلر ڈگری، بینکنگ، انشورنس اور انٹرنیشنل بزنس لا میں ایل ایل ایم، اور یونیورسٹی آف مانچسٹر سے پی ایچ ڈی کے حامل ہیں۔ انہوں نے مانچسٹر لا سوسائٹی سے سول لِٹیگیشن میں پوسٹ گریجویٹ ڈپلومہ بھی حاصل کیا ہےجبکہ لندن انسٹیٹیوٹ آف بینکنگ اینڈ فنانس سے مورگیج اور فنانشل ایڈوائس سے متعلق سرٹیفکیشنز بھی حاصل کیں۔
اہم خبریں سے مزید