فرمان الہی
نماز کے اوقات
کراچی (اسٹاف رپورٹر) آئی سی سی ٹی ٹوئنٹی ورلڈکپ اور آسٹریلیا کے ہوم خلاف سیریز کے لیے پاکستان اسکواڈ کے لیے حتمی مشاورت رواں ہفتے ہو گی۔ پاکستان کر کٹ بورڈ نے آئی سی سی کو ایونٹ کے لئے ابتدائی نام آئی سی سی کو بھجوا رکھے ہیں۔ ذرائع کے مطابق ممکنہ کھلاڑیوں میں کپتان سلمان علی آغا، صاحبزادہ فرحان، صائم ایوب، فخر زمان، شاداب خان، بابر اعظم، فہیم اشرف، محمد نواز، عثمان خان اور ابرار احمد شامل ہیں۔ شاہین آفریدی، نسیم شاہ، حارث رؤف، سلمان مرزا اور خواجہ نافع کے نام بھی ممکنہ کھلاڑیوں میں شامل ہیں۔ذرائع کا کہنا ہے کہ 31 جنوری تک آئی سی سی کی اجازت کے بغیر پی سی بی اسکواڈ میں رد و بدل کر سکتا ہے۔ عبدالصمد، محمد وسیم جونیئر اور عثمان طارق ریزرو کھلاڑیوں میں شامل ہو سکتے ہیں، قومی ٹیم کی سری لنکا سے واپس آنے کے بعد ہیڈ کوچ مائیک ہیسن اور کپتان سلمان علی آغا کی سلیکٹرز سے حتمی مشاورت ہو گی۔ ذرائع کا کہنا ہے کہ مشاورت مکمل ہونے پر چیئرمین پی سی بی محسن نقوی کی منظوری سے اسکواڈ کا اعلان کر دیا جائے گا۔ میگا ایونٹ کی تیاریوں کیلئے تربیتی کیمپ 15 جنوری سے لگایا جائے گا۔
