• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی ایئرپورٹ پر وزٹ ویزے کی آڑ میں ملازمت کیلئے جانیوالی خاتون سمیت 8 مسافروں کو روک دیا گیا

آج کا اخبار
اہم خبریں
14 جنوری ، 2026
کراچی( ثاقب صغیر )ایف آئی اے امیگریشن نے کراچی ایئرپورٹ پر وزٹ ویزے کی آڑ میں بیرون ملک ملازمت کے لئے جانے والی خاتون سمیت 8 مسافروں کو روک دیا۔مسافروں نے جعلی دستاویزات کی بنیاد پر ملائیشیاء کا وزٹ ویزے حاصل کیا۔مسافروں میں پوجا امیت، راج کچن، عتیق خان، محمد سعد، عزیر، کرامت اللہ، عامر خان اور ذیشان خان شامل ہیں۔حکام کے مطابق مسافروں کی قیادت پوجا امیت نامی خاتون کر رہی تھی۔مسافر فلائٹ نمبر D7-109 کے ذریعے پاکستانی پاسپورٹس اور وزٹ ویزوں پر ملائیشیاء جا رہے تھے۔مسافروں نے ویزا حصول کے لئے بلیسنگ انسٹیٹیوٹ کلفٹن کراچی کے نام پر جعلی سفری دستاویزات جمع کروائیں۔مسافروں نے ویزا حصول کے لئے مختلف ایجنٹوں کو فی کس 4 لاکھ 95 ہزار روپے دئیے۔ابتدائی تفتیش کے مطابق مسافروں نے ملائیشیا میں ملازمت حاصل کرنا تھی۔
اہم خبریں سے مزید