• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عوام کا تحفظ ریاست کی اولین ترجیح ،کابینہ کمیٹی برائے امن و امان

میرا شہر
لاہور
20 جنوری ، 2026
لاہور(اپنے نامہ نگار سے)محکمہ داخلہ میں کابینہ کمیٹی برائے امن و امان کا 47 واں اجلاس صوبائی وزیر صحت و چیئرمین کابینہ کمیٹی برائے امن و امان خواجہ سلمان رفیق کی صدارت میں ہوا۔ اجلاس میں وزیر صنعت شافع حسین اور وزیر ٹرانسپورٹ بلال اکبر خان نے شرکت کی۔ سیکرٹری داخلہ ڈاکٹر احمد جاوید قاضی اور قانون نافذ کرنے والے اداروں کے نمائندگان نے اجلاس کو بریفنگ دی۔ اجلاس میں صوبہ بھر کے امن و امان کی صورتحال کا تفصیلی جائزہ لیا گیا کابینہ کمیٹی نے محکمہ جیل خانہ جات کیلئے موبائل فونز جیمنگ سٹیشنز کی بیٹریوں کی تبدیلی کیلئے فنڈز کی منظوری دی۔ اجلاس نے پنجاب کی مختلف جیلوں سے 5 قیدیوں کی پیرول پر رہائی کی منظوری بھی دی۔ صوبائی وزیر صحت و چیرمین کابینہ کمیٹی برائے امن و امان سلمان رفیق نے اس موقع پر کہا کہ عوام کے جان و مال کا تحفظ ریاست کی اولین ترجیح ہے۔ پنجاب بھر میں امن و امان کی صورتحال تسلی بخش ہے۔وزیراعلی کی ہدایت کے مطابق قانون نافذ کرنے والے ادارے قیام امن کی خاطر دن رات مصروف عمل ہیں۔ صوبائی وزیر صنعت چوہدری شافع حسین نے کہا کہ صوبہ بھر میں امن و امان کی بہتر صورتحال پر وزیراعلیٰ پنجاب اور کابینہ کمیٹی کو خراجِ تحسین پیش کرتے ہیں۔
لاہور سے مزید