فرمان الہی
نماز کے اوقات
کراچی( اسٹاف رپورٹر )فائر آفیسر ظفر خان کا کہنا ہے کہ دکانداروں کی افراتفری کی وجہ سے ریسکیو آپریشن متاثر ہوا، فائر ٹینڈر کا حجم زیادہ اور سڑک تنگ تھی، اب بھی دو مقامات پر کولنگ کا عمل جاری ہے، عمارت کا ایک حصہ کلئیر ہوا ہے دو ابھی باقی ہیں، کوشش ہوگی کہ لوگ جو ملبے تلے تھے انہیں نکالا جائے،عمارت کے گر جانے والے حصے سے ملبے کو بھی سرچ کیا جائے گا، انہوں نے بتایا کہ جب ابتداء میں اطلاع ملی تو تین فائرٹینڈرز کو بیک وقت بھیجا گیا تھا ،ان کا کہنا تھا کہ ہر دکاندار فائر فائٹر سے پائپ کھینچ رہا تھا کہ ہماری دکان کی آگ بجھاؤ، عمارت کی چھت پر جانے والے راستے پر تالا لگا تھا، لوگوں نے اوپر جانا چاہا تو وہ نہیں جا سکے،مارکیٹ بند ہونے کا وقت تھا اس لئے بیشتر دروازے بند کئے جا چکے تھے۔
