• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان کا اسلام آباد ایئرپورٹ کو نجکاری کی فہرست میں شامل کرنے کا فیصلہ

آج کا اخبار
اہم خبریں
25 جنوری ، 2026
اسلام آباد (اسرار خان)پاکستان کا اسلام آباد ایئرپورٹ کو نجکاری کی فہرست میں شامل کرنے کا فیصلہ، کراچی، لاہور اور اسلام آباد ایئرپورٹس کی کھلی نیلامی کا منصوبہ: یو اے ای کے ساتھ مذاکرات ختم۔ حکام کے مطابق حکومت نے اسلام آباد انٹرنیشنل ایئرپورٹ کو اپنی فعال نجکاری کی فہرست میں شامل کرنے کی منظوری دے دی ہے اور ملک کے تین سب سے مصروف ہوائی اڈوں کے آپریشنز کو کھلے اور مسابقتی بولی کے ذریعے نیلام کیا جائے گا، جس سے متحدہ عرب امارات کے ساتھ مہینوں تک رکے مذاکرات کا سلسلہ ختم ہو جائے گا۔ اس فیصلے میں اسلام آباد انٹرنیشنل ایئرپورٹ، کراچی کا جناح انٹرنیشنل ایئرپورٹ اور لاہور کا علامہ اقبال انٹرنیشنل ایئرپورٹ شامل ہیں۔ حکومت کا مقصد مینجمنٹ کنٹریکٹس یا طویل مدتی تجارتی مراعات کے ذریعے آپریشنز آؤٹ سورس کرنا ہے تاکہ کارکردگی میں بہتری، انفرا اسٹرکچر کی اپ گریڈنگ اور ریونیو میں اضافہ کیا جا سکے۔نجکاری کمیشن کے ایک اعلیٰ عہدیدار نے دی نیوز کو بتایا کہ اس سے قبل اسلام آباد ایئرپورٹ کو حکومت سے حکومت معاہدے کے تحت متحدہ عرب امارات کے حوالے کرنے پر غور کیا جا رہا تھا۔ تاہم، یو اے ای کی جانب سے آپریٹنگ ادارے (کمپنی) کو نامزد کرنے میں بار بار تاخیر کے باعث یہ مذاکرات تعطل کا شکار ہو گئے تھے۔
اہم خبریں سے مزید