فرمان الہی
نماز کے اوقات
مانچسٹر (این این آئی)اوورسیز پاکستانی کمیشن پنجاب کے وائس چیئرمین بیرسٹر امجد ملک نے کہاہے کہ او ورسیز پاکستانی ملکی معیشت میں ریڑھ کی ہڈی کی حیثیت رکھتے ہیں اور ان کے مسائل کا حل موجودہ حکومت کی اولین ترجیح ہے ، وزیر اعلیٰ پنجاب مریم نوازشریف اور ان کی ٹیم اس کام کےلئے دن رات کوشاں ہے ، پارلیمنٹ میں نشستوں اور ووٹ کے حق جیسے مقاصد کےلئے اوورسیز پاکستانیوں کو متحد اور متفق ہونے کی ضرورت ہے ،اوورسیز کمیشن پنجاب کے زیر اہتمام ہر ماہ آن لائن کھلی کچہری کا اہتمام اور اوورسیز سہولت مرکز لاہور کا قیام اس منہ بولتا ثبوت ہے ۔ان خیالات کا اظہار انہوں نے مانچسٹر میں ایک تقریب سے خطاب کرتے ہوئے کیا ۔انہوں نے کہاکہ بد قسمتی سے گزشتہ دور حکومت میں اوورسیز پاکستانیوں کےلئے کوئی فلاحی اقدام نہیں اٹھایا گیا بلکہ انہیں ایک مذموم سازش کے تحت تقسیم کر دیا گیا اور اوورسیز کے فلاح و بہبود کی داد رسی کے تمام ادارے غیر فعال کر دیئے گئے ۔انہوں نے کہاکہ اب موجودہ حکومت اوورسیز پاکستانیز کی فلاح و بہبو د کےلئے کام کررہی ہے اور اس کے نتائج بھی سامنے آرہے ہیں ۔ بیرسٹر امجد ملک نے کہاکہ جب تک اوورسیز پاکستانی متحد نہیں ہونگے وہ اپنے کسی مقاصد میں کامیاب نہیں ہوسکتے ۔
