• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان آئیڈل کا ”بسنت اسپیشل شو“ آج ”جیو“ پر دیکھیں

آج کا اخبار
اہم خبریں
01 فروری ، 2026
کراچی (جنگ نیوز)پاکستان آئیڈل کا ”بسنت اسپیشل شو“ آج ”جیو“پر دیکھیں ،میوزک کا سب سے بڑا اور مقبول ترین شو ”پاکستان آئیڈل“اس اتوار کو ناظرین کیلئے خوشیوں اور رنگوں سے سجا بسنت اسپیشل شو لے کر آ رہا ہے۔ اس میوزک شو کا ”گالا راؤنڈ“اس وقت بھی اپنی سنسنی خیزی کے عروج پر ہے اور شائقین ہر قسط کو غیرمعمولی دلچسپی اور دلجمعی کے ساتھ دیکھ رہے ہیں جہاں سریلے گیت اور باکمال پرفارمنس سامعین کو مسحور کر رہی ہیں۔”بسنت اسپیشل شو“کی ایک اور بڑی خاص بات یہ ہے کہ اپنے منفرد انداز اور دلکش آواز کے سبب میوزک انڈسٹری پر راج کرنے والی نامور گلوکارہ شازیہ منظور بطور مہمانِ خصوصی شریک ہوں گی، جو شو کی دلکشی میں مزید اضافہ کریں گی۔ بسنت کے رنگ، خوشیوں کی پتنگیں اور موسیقی کی مہک، بسنت کے مشہور اور روایتی گیت جوش و جذبے کے ساتھ پیش کئے جائیں گے۔ نوجوان گلوکاروں نے اپنی شاندار پرفارمنس دکھانے کیلئے بھرپور تیاریاں کر لی ہیں، جبکہ معزز ججز بھی باصلاحیت فنکاروں کو آگے لانے اور اہم فیصلے سنانے کیلئے پوری طرح تیار ہیں۔پاکستان آئیڈل کی32ویں قسط میں ”بسنت اسپیشل“ اتوار کی شب 8 بجے ”جیو ٹی وی“ سے نشر کی جائے گی، جہاں موسیقی، رنگ اور نوجوان ٹیلنٹ ایک ساتھ ناظرین کو یادگار لمحے فراہم کرے گا۔
اہم خبریں سے مزید