• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جڑواں شہروں میں وارداتیں نہ رک سکیں،2 گاڑیاں،18 موٹرسائیکل غائب

میرا شہر
اسلام آباد
04 مارچ ، 2026
راولپنڈی،اسلام آباد (سٹاف رپورٹر،خصوصی نامہ نگار)جڑواں شہروں میں وارداتیں نہ رک سکیں،2گاڑیاں،18موٹرسائیکل غائب ہوگئے۔ گن پوائنٹ پر متعدد ڈکیتیاں،شہری لاکھوں روپے،موبائل فونز اور دیگر اشیاء سے محروم ہوگئے ۔تفصیلات کے مطابق راولپنڈی کے شہری مختلف وارداتوںمیں2گاڑیوں14موٹرسائیکلوں،موبائل فونز،نقدی ،مویشیوں اور دیگر اشیاسے محروم ہوگئے ،تھانہ نیوٹاؤن کے علاقہ سسکتھ روڈ پر2موٹر سائیکل سوار احمر سے گن پوائنٹ پر3 موبائل ،تھانہ صادق آباد کے علاقہ ٹرانسفارمر چوک میں ابتسام علی سے 2موٹرسائیکل سوار اسلحہ کی نوک پر30ہزار روپے اور موبائل ،تھانہ آراے بازار کے علاقہ عابد مجید روڈ پرنامعلوم موٹرسائیکل سوارشفقت سے 69ہزار روپے اور موبائل ،تھانہ ٹیکسلاکے علاقہ جنڈومیں ٹیوب ویل نمبر5میں 3نامعلوم ملزمان داخل ہوئے اور ڈیوٹی پرموجوداظہرقیوم کے سرپرکوئی چیزماری اور گن پوائنٹ پرموبائل ،چار سوروپے اور اس کاموٹرسائیکل ،تھانہ روات کے علاقہ چک بیلی روڈ پردوگاڑیوں میں سوار نامعلوم ملزمان سفیان گیس ایجنسی کی گاڑی روک کرذوالقرنین سے 2لاکھ 65ہزار روپے اور کاغذات چھین کرفرار ہوگئے ،آفندی کالونی میں احتشام حیدر کالیپ ٹاپ ،آفندی کالونی مجاہد باسط کے کمرے سے 4موبائل،خیابان جناح میں محمد صدیق کی گائے مالیتی 4لاکھ روپے ،اڈیالہ روڈ پرشہزاد رشید کی اشٹام کی دکان سےکمپیوٹراور کلر پرنٹر چوری کرلیاگیا۔
اسلام آباد سے مزید