• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ٹی آئی کو راولپنڈی جلسے کی اجازت نہیں ملی، درخواست مسترد

آج کا اخبار
اہم خبریں
09 اپریل ، 2026
راولپنڈی(آئی این پی ) پاکستان تحریک انصاف (پی ٹی آئی )کو آج راولپنڈی لیاقت باغ میں جلسے کی اجازت نہیں ملی اور اس حوالےسے دی گئی درخواست مستردکردی گئی ہے، انتظامیہ کاموقف ہے کہ راولپنڈی میں دفعہ 144 نافذ ہے اور حکومتی کفایت شعاری پالیسی کے تحت جلسہ کی سیکورٹی کلیئرنس کیلئےحفاظتی وسائل ممکن نہیں۔ تفصیلات کے مطابق ڈپٹی کمشنر راولپنڈی نے پی ٹی آئی کے آج لیاقت باغ میں جلسے کے لئے این او سی کی درخواست مسترد کرتےہوئےپی ٹی آئی کی مقامی قیادت کو باقاعدہ طور پر آگاہ کر دیا ہے۔انتظامیہ کے مطابق ڈسٹرکٹ انٹیلی جنس کمیٹی کے اجلاس میں معاملے پر غور کیا گیا، جس میں موجودہ خطرے کے اسپیکٹرم کو مدنظر رکھتے ہوئے کہا گیا کہ عوامی اجتماعات میں شرکا کے جان و مال کو خطرات لاحق ہو سکتے ہیں۔
اہم خبریں سے مزید