• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خلیجی اتحادیوں نے اسلحہ کی فراہمی کیلئے امریکا سے رخ موڑ لیا

آج کا اخبار
اہم خبریں
13 اپریل ، 2026
کراچی (نیوز ڈیسک) خلیجی اتحادیوں نے امریکہ سے اسلحہ کی فراہمی کے لیے رخ بدل لیا۔ جنوبی کوریا کے جدید دفاعی نظاموں اور برطانوی کم لاگت میزائلوں سمیت مختلف متبادل ذرائع کی طرف رجوع کیا گیا ہے۔ وال اسٹریٹ جرنل کی رپورٹ کے مطابق خلیجی خطے کے اہم اتحادی سعودی عرب، متحدہ عرب امارات اور قطر نے اپنی دفاعی ضروریات کے لیے امریکہ پر انحصار کم کرتے ہوئے اسلحہ اور گولہ بارود کے نئے ذرائع تلاش کرنا شروع کر دیے ہیں۔ ان ممالک نے سپلائی کے لیے اپنے روابط کو وسیع کرتے ہوئے جنوبی کوریا کے جدید دفاعی نظاموں اور برطانیہ کے نسبتاً کم لاگت میزائلوں سمیت مختلف متبادل ذرائع کی طرف رجوع کیا ہے۔ یہ تبدیلی اس بات کی نشاندہی کرتی ہے کہ خطے کے ممالک اپنی دفاعی سپلائی چین کو زیادہ متنوع اور محفوظ بنانے کی حکمت عملی اپنا رہے ہیں تاکہ کسی ایک ملک پر انحصار کم ہو اور ممکنہ عالمی عدم استحکام کے دوران مسلسل رسد یقینی بنائی جا سکے۔
اہم خبریں سے مزید