• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

FIA بینکنگ کورٹ میں عمران خان اور دیگر کیخلاف ممنوعہ فارن فنڈنگ کیس میں چالان 14 اپریل کو جمع کروائے گی

آج کا اخبار
اہم خبریں
13 اپریل ، 2026
اسلام آباد (آن لائن) ایف آئی اے بنکنگ کورٹ میں بانی پی ٹی آئی عمران خان اور دیگر کیخلاف ممنوعہ فارن فنڈنگ کیس میں چالان 14 اپریل کو جمع کروائے گی سابقہ سماعت پر عدالت نے کیس میں نامزد ملزمان سراج احمد اور فیصل قاضی کی عبوری ضمانت میں 14 اپریل تک توسیع کرتے ہوئے گرفتاری سے روکدیا تھا۔ جبکہ دوران سماعت اسپیشل پراسیکیوٹر واثق ملک نے بیکنگ عدالت کو بتایا تھا کہ کیس میں 2 مزید ملزمان اور 1 گواہ کا اضافہ کیا ہے۔ آئندہ سماعت پر کیس کا چالان عدالت میں پیش کردیا جائیگا۔ عدالت نے کیس میں نامزد ملزمان سراج احمد اور فیصل قاضی کی عبوری ضمانت میں 14 اپریل تک توسیع کرتے ہوئے آئندہ سماعت پر چالان طلب کرلیا۔ بینکنگ عدالت کے جج عبدالغفور کاکڑ نے ممنوعہ فارن فنڈنگ کیس کی سماعت کی۔ کیس کا تفتیشی افسر طبیعت ناسازی کے باعث عدالت میں پیش نہ ہوسکا جبکہ اسپیشل پراسکیوٹر واثق ملک عدالت میں پیش ہوئے اور بتایا کہ چالان مکمل کر لیا ہے، جلد عدالت میں پیش ہوگا، کیس میں 2 مزید ملزمان اور ایک گواہ کا اضافہ کیا ہے۔ آئندہ سماعت پر تفتیشی افسر چالان عدالت میں جمع کروا دیگا، چالان میں ایف آئی اے نے بانی پی ٹی آئی ودیگر کو ملزم نامزد کیا ہے۔ عدالت نے اگلی سماعت پر چالان جمع کروانے کی ہدایت دے سماعت 14 اپریل تک ملتوی کردی، کیس میں نامزد ملزمان سراج احمد اور فیصل قاضی کی عبوری ضمانت میں 14 اپریل تک توسیع کرتے ہوئے گرفتاری سے روکدیا۔ بانی پی ٹی آئی ودیگر کیخلاف ایف آئی اے نے منی لانڈرنگ ودیگر دفعات کے تحت مقدمہ درج کر رکھا ہے۔
اہم خبریں سے مزید