فرمان الہی
نماز کے اوقات
کراچی (اسٹاف رپورٹر) کراچی میں پولیو بوسٹر ڈوز کی مہم کا آغاز ہوگیا، جو 89ہائی رسک یونین کونسلز میں چلائی جا رہی ہے، اس مہم کے دوران 12سے 24 مئی تک تقریباً 18 لاکھ بچوں (10سال تک کی عمر) کو پولیو سے تحفظ فراہم کرنے کا ہدف رکھا گیا ہے،مہم کے تحت بچوں کو معمول کے مطابق پولیو سے بچاو کے قطرے دیے جائیں گے، جبکہ اضافی پولیو بوسٹر ڈوز بھی دی جائے گی، صحت کے حکام کے مطابق کراچی میں یہ مہم انتہائی اہم ہے کیونکہ یہاں آبادی زیادہ گنجا ن ، مسلسل نقل و حرکت، اور ماحولیاتی نمونوں میں پولیو وائرس کی موجودگی کے باعث بیماری کے پھیلاؤ کا خطرہ بدستور موجود ہے، میئر کراچی بیرسٹر مرتضیٰ وہاب اور وزیرِ صحت سندھ ڈاکٹر عذرا فضل پیچوہو نے مشترکہ طور پر زور دیا کہ والدین اپنے بچوں کو ویکسین لگوا ئیں ۔
