• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

واٹر کارپوریشن، ایک سال کے دوران آمدنی میں ریکارڈ اضافہ،6 ارب زائد وصول

آج کا اخبار
ملک بھر سے
09 جولائی ، 2026
کراچی(اسٹاف رپورٹر)کراچی واٹر اینڈ سیوریج کارپوریشن نے مالی سال 2025-26 کے دوران ریونیو کلیکشن میں تاریخی اضافہ ریکارڈ کرتے ہوئے گزشتہ مالی سال کے مقابلے میں 26.6 فیصد زیادہ آمدنی حاصل کر لی ترجمان واٹر کارپوریشن کے مطابق ادارے نے مالی سال 2025-26 کے دوران مجموعی طور پر 27 ارب 3 کروڑ 4 لاکھ روپے سے زائد ریونیو وصول کیا، جبکہ مالی سال 2024-25 میں وصولیوں کا حجم 21 ارب 34 کروڑ 95 لاکھ روپے رہا تھا ترجمان نے بتایا کہ ایک سال کے دوران ریونیو وصولیوں میں نمایاں اضافہ ادارے کی مؤثر مالی حکمت عملی، جدید بلنگ سسٹم، ریکوری میکانزم میں بہتری اور صارفین کے تعاون کا نتیجہ ہے۔ مالی سال کے دوران جولائی، اگست، ستمبر، اکتوبر، دسمبر اور جون کے مہینوں میں وصولیوں میں نمایاں اضافہ دیکھنے میں آیا، جو اصلاحاتی اقدامات کی کامیابی کا واضح ثبوت ہے۔ انہوں نے کہا کہ چیف ایگزیکٹو آفیسر احمد علی صدیقی کی مؤثر قیادت، چیف کمرشل آفیسر حارث سرفراز کی نگرانی اور (آر آر جی) کی انتھک کاوشوں کے باعث واٹر کارپوریشن مالی استحکام کے حصول کے لیے مختلف اصلاحات پر عمل درآمد کر رہی ہے۔
ملک بھر سے سے مزید