فرمان الہی
نماز کے اوقات
اسلام آباد (رانا غلام قادر )وزیر اعظم شہباز شریف نےسرکاری تقاریب میں حکام اور اعلی شخصیات کے حفظ مراتب کی ( بیٹھنے کی ترتیب )سے متعلق اراکین پارلیمنٹ کی شکایات کا نوٹس لے لیا ہے۔ ذرائع کے مطابق وزیراعظم نے وزیر قانون سنیٹر اعظم نذیر تارڑ کی سربراہی میں سات رکنی اعلی سطح کمیٹی تشکیل دے دی۔ کمیٹی کے دیگر ممبران میں وفاقی وزیر برائے بین الصو بائی رابطہ ڈویژن رانا ثنا ء اللہ ۔ وزیر اقتصادی امور احد چیمہ ۔وزیر قومی صحت خدمات سید مصطفی کمال ۔ وزیر اعظم کے مشیر ڈاکٹر توقیر شاہ ۔ سیکریٹری کابینہ ڈویژن کامران علی افضل اور سیکرٹری اسٹیبلشمنٹ ڈویژن بیرسٹر نبیل اعوان شامل ہیں۔ کمیٹی کی ٹی او اارز بھی جاری کی گئی ہیں ۔کمیٹی موجودہ مرتبہ (Status) ۔نوعیت اور حفظ مراتب ( Warrant of precedence) کی قانو نی بنیاد کا جائزہ لے گی۔کمیٹی موجودہ حفظ مراتب میں ترمیم کیلئے مجاز اتھارٹی یا فورم کاتعین کرے گی بالخصوص مصطفی امپیکس ججمنٹ کی روشنی میں تعین کرے گی۔
