• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسلسل چوتھے دن موسلادھار بارشیں، گاج ندی میں چار فٹ کا سیلابی ریلا داخل

آج کا اخبار
اہم خبریں
27 جولائی ، 2026
دادو(پی پی آئی)مسلسل چوتھے دن موسلا دھار بارشوں کے نتیجے میں کیرتھر پہاڑی سلسلے کے پہاڑی ندیوں میں آج شدید سیلابی صورت حال، جس کی وجہ سے گاج ندی میں 4فٹ کا سیلابی ریلا داخل ہوا ہے۔ یونین کونسلز سورڑو اور پات گل محمد کے لنک روڈز زیر آب ہیں، جس کی وجہ سے دس سے زائد دیہات کا دوسرے دن بھی زمینی رابطہ منقطع رہا ۔ ان علاقوں تک رسائی نہ ہنے سے مکینوں اور مقامی حکام میں تشویش بڑھ رہی ہے، جو متاثرہ افراد تک ضروری سپلائیز اور امداد کی فراہمی کو یقینی بنانے کے لیے کوشاں ہیں۔ دریں اثنا، کاچھو کے رہائشی سیلابی پانیوں کی آمد پر خوشی کا اظہار کر رہے ہیں۔ محکمہ آبپاشی کے مطابق، یہ بارشوں سے بھری زمینیں پہاڑی ندیوں سے آنے والے سیلابی پانیوں پر انحصار کرتی ہیں، جو مقامی زراعت کے لیے ضروری ہیں۔دریں اثناء ننگرپارکر کے قریب دوران بارش آسمانی بجلی گرنے سے 18بکریاں ہلاک،تفصیلات کے مطابق تھر کی تحصیل ننگرپارکر کے قریبی گاؤں تڑ دوس میں گزشتہ رات گرج چمک اور تیز بارش کے دوران آسمانی بجلی گرنے کا واقعہ پیش آیا ہے۔اس ناگہانی آفت کے باعث ایک ہی مالک خاکو بھیل کی 18بکریاں اور بکرے موقع پر ہی ہلاک ہو گئے۔دوسری جانب واقعے کے بعد متاثرہ مویشی مالک نے وزیر اعلیٰ سندھ اور ضلعی انتظامیہ سے مطالبہ کیا ہے کہ اس کی جمع پونجی کی ہلاکت پر سرکاری سطح پر مالی معاونت فراہم کر کے نقصان کا ازالہ کیا جائے۔
اہم خبریں سے مزید