• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پولیس قانون کے دائرے میں رہے اختیارات سے تجاوز نہ کرے، ہائیکورٹ ملتان بنچ

میرا شہر
ملتان
08 اکتوبر ، 2026
ملتان ( سٹاف رپورٹر) عدالتی احکامات کے باوجود پیٹیشنر اور اس کے گھر والوں کو مسلسل ہراساں۔ و پریشان کرنے کا سخت نوٹس لیتے ہوئے ہائی کورٹ ملتان بنچ کے جج جسٹس محمد وحید خان نے کہا کہ پولیس قانون کے دائرے میں رہے اور اپنے اختیارات سے تجاوز نہ کرے۔وہ گزشتہ روز ایس ایچ او تھانہ روہیلانوالی کے خلاف غلام محمد کی توہین عدالت کی درخواست کی سماعت کررہے تھے پیٹیشنر کے وکیل محمد عامر خان بھٹہ نے فاضل عدالت کو اگاہ کیا کہ عدالت عالیہ کے روبرو یقین دہانی کے باوجود پولیس پیٹیشنر غلام محمد وغیرہ کو ایک بار پھر پریشان کررہی ہے اس پر فاضل عدالت میں موجود ایس ایچ او سے استفسار کیا گیا کہ وہ اب کیوں انہیں ہراساں و پریشان کررہے ہیں تو اس نے جواب دیا کہ مدعی نے ان پر شبہ کا اظہار کیاتھا تاہم اب اس کی تسلی ہوگئی ہے اس لئے آئندہ پیٹیشنر کو کچھ نہیں کہا جائے گا۔
ملتان سے مزید