• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نہر خیام کی بحالی اور سیوریج ڈائیورژن منصوبہ دو ماہ میں مکمل ہوگا، ناصرشاہ

آج کا اخبار
اہم خبریں
20 اکتوبر ، 2026
کراچی (اسٹاف رپورٹر) وزیر بلدیات، ہاؤسنگ و ٹاؤن پلاننگ سندھ سید ناصر حسین شاہ نے کہا ہے کہ نہر خیام کلفٹن کی بحالی اور سیوریج کے پانی کی ڈائیورژن کا منصوبہ دو ماہ میں مکمل کرلیا جائے گا، جس کے بعد علاقے میں تعفن اور بیماریوں کے پھیلاؤ میں کمی کے ساتھ ماحول کو بہتر بنانے میں مدد ملے گی انہوں نے ان خیالات کا اظہار نہر خیام کے دورے کے موقع پر کیا، جہاں وہ علاقہ مکینوں کی جانب سے جاری تعمیراتی کاموں کے حوالے سے موصول ہونے والی شکایات کا جائزہ لینے پہنچے تھے۔ سید ناصر حسین شاہ نے کہا کہ نہر خیام کے اطراف رہائش پذیر شہریوں کی شکایات پر موقع پر آکر کام کا معائنہ کیا ہے، جبکہ وزیراعلیٰ سندھ نے بھی اس معاملے کا نوٹس لیا ہے۔ انہوں نے واضح کیا کہ نہر خیام کی بحالی کا منصوبہ محکمہ بلدیات سندھ کا ہے جس کے تحت نالے کو کورڈ کیا جا رہا ہے اور سیوریج کے پانی کی ڈائیورژن کے انتظامات کئے جا رہے ہیں تاکہ علاقے میں گندے پانی کے باعث پیدا ہونے والے مسائل پر قابو پایا جا سکے۔ وزیر بلدیات سندھ نے کہا کہ منصوبے کا مقصد صرف نکاسی آب کے نظام کو صرف بہتر بنانا نہیں بلکہ نہر خیام کو خوبصورت بنانا اور علاقے کے ماحول کو خوشگوار بنانا بھی ہے اس مقصد کے لئے صاف پانی کی نہر تعمیر کی جا رہی ہے، جبکہ نہر کے اطراف سبزہ اگانے اور شجرکاری کے اقدامات بھی کئے جائیں گے۔منصوبے کی تکمیل سے علاقے میں پھیلنے والے تعفن اور بیماریوں سے نجات حاصل کرنے میں مدد ملے گی اور مقامی رہائشیوں کو بہتر ماحول میسر آئے گا۔
اہم خبریں سے مزید