فواد چوہدری شرعی دلیل دیں تو غور کرینگے، قبلہ ایاز

اسلامی نظریاتی کونسل کے چیئرمین قبلہ ایاز کا کہنا ہے کہ وفاقی وزیر فواد چوہدری ہماری سفارشات پر شرعی دلیل دیں تو ہم غور کے لیے تیار ہیں۔

اسلامی نظریاتی کونسل کے چیئرمین قبلہ ایاز نے وفاقی وزیر کے ٹویٹ پر اپنے ردِ عمل کا اظہار کرتے ہوئے کہا ہے کہ فواد چوہدری کا ٹویٹ میں نے ابھی پڑھا ہے۔

نیب آرڈیننس کی دفعات 14 ڈی، 15 اے اور 26 غیرشرعی قرار

اسلامی نظریاتی کونسل نے نیب آرڈیننس کی کچھ دفعات...

انہوں نے کہا کہ وفاقی وزیر فواد چوہدری نے کہا کہ کروڑوں روپے خرچ ہو رہے ہیں، ان کا یہ ٹویٹ سمجھ سے بالاتر ہے۔

قبلہ ایاز نے کہا کہ 20 ممبران پر مشتمل اسلامی نظریاتی کونسل آئینی ادارہ ہے، جس کے ارکان و چیئرمین کی تقرری وزیرِ اعظم کی سفارش سے صدرِ مملکت کرتے ہیں۔

یہ بھی پڑھیئے: پولیو معاملہ حکومت نے کونسل کو نہیں بھجوایا، قبلہ ایاز

انہوں نے کہا کہ نیب قوانین کے بارے میں حکومت خود بھی عدم اطمینان کا اظہار کر چکی ہے، سپریم کورٹ اور ہائی کورٹ بھی نیب پر عدم اطمینان کا اظہار کر چکی ہیں۔

چیئرمین اسلامی نظریاتی کونسل نے کہا کہ ہم نے نیب قوانین کا شرعی لحاظ سے جائزہ لیا ہے، فواد چوہدری کے ساتھ بہت اچھے مراسم ہیں، معلوم نہیں ان کے ذہن میں کیوں تکدر پیدا ہوا اور انہوں نے اس قدر سخت ٹویٹ کیا۔

’اسلامی نظریاتی کونسل کی کارکردگی پر سنجیدہ سوالات ہیں‘

وفاقی وزیر برائے سائنس وٹیکنالوجی فواد چوہدری کا...

انہوں نے مزید کہا کہ فواد چوہدری کے قمری کیلنڈر کی ہم نے بہت تحسین کی تھی، کابینہ نے فیصلہ کیا کہ قمری کیلنڈر کا معاملہ وزارت مذہبی امور دیکھے۔

قبلہ ایاز نے یہ بھی کہا کہ ہم نے فیصلہ کیا کہ ہم وزارتِ مذہبی امور کو اپنی تجاویز دیں گے، فواد چوہدری کھلے ڈلے آدمی ہیں، ان کو ہمارے ساتھ رابطہ کرنا چاہیے تھا، وہ ہمارے ساتھ رابطہ کرتے تو ہم ان کو مطمئن کرتے۔

یہ بھی پڑھیئے: شراب ممنوع قرار دینے کی سفارش موصول

واضح رہے کہ اسلامی نظریاتی کونسل کے چیئرمین قبلہ ایاز نے آج پریس کانفرنس کرتے ہوئے نیب آرڈیننس کی کچھ دفعات کو غیر شرعی اور غیر اسلامی قرار دیا تھا۔

انہوںنے نیب آرڈیننس کی دفعات 14 ڈی، 15 اے اور26 کو غیر شرعی قرار دیتے ہوئے کہا تھا کہ نیب ملزمان کو ہتھکڑی لگانا، میڈیا پر ان کی تشہیر کرنا، حراست میں رکھنا، بے گناہ کو ملزم ثابت کرنا، وعدہ معاف گواہ بننا اور پلی بارگین کی دفعات بھی غیراسلامی ہیں۔

نیب کا ہتھکڑی لگانا غیر شرعی ہے، اسلامی نظریاتی کونسل

اسلامی نظریاتی کونسل کا کہنا ہے کہ نیب کا ملزموں...

چیئرمین اسلامی نظریاتی کونسل کی پریس کانفرنس پر ردِ عمل کا اظہار کرتے ہوئے وفاقی وزیر فواد چوہدری نے سماجی رابطے کی ویب سائٹ پر کہا تھا کہ اسلامی نظریاتی کونسل کی کارکردگی پر سنجیدہ سوالات ہیں۔

انہوں نے کہا تھا کہ آج تک مذہبی طبقات کی سوچ کو اسلامی نظریاتی کونسل سے کوئی رہنمائی نہیں ملی، ایسے ادارے پر کروڑوں روپے خرچ کرنے کا جواز سمجھ سے بالاتر ہے۔

یہ بھی پڑھیئے: منگنی اور نکاح میں وقفے سے طلاق میں کمی آئے گی

وفاقی وزیر نے یہ بھی کہا تھا کہ ادارے کی تشکیلِ نو کی ضرورت ہے، جدید تقاضوں سےہم آہنگ، انتہائی جید لوگ اس ادارے کو سنبھالیں۔