فرمان الہی
نماز کے اوقات
گزشتہ روز گرفتار کیے گئے مسلم لیگ نون لاہور کے جنرل سیکریٹری اور رکنِ صوبائی اسمبلی خواجہ عمران نذیر کو ضلع کچہری لاہورمیں پیش کر دیا گیا۔
عدالت نے خواجہ عمران نذیر کو ایک روز کے جسمانی ریمانڈ پر پولیس کی تحویل میں دے دیا۔
عدالت نے پولیس کو خواجہ عمران نذیر کو کل انسداد دہشت گردی کی عدالت میں پیش کرنے کا حکم بھی دیا۔
دورانِ سماعت لاہور پولیس کی جانب سے عدالت سے خواجہ عمران نذیر کے 15 روز کے جسمانی ریمانڈ کی استدعا کی گئی۔
وکیل صفائی نے دلائل دیتے ہوئے اعتراض کیا کہ جسمانی ریمانڈ دینا اس عدالت کا اختیار نہیں، مقدمے میں دہشت گردی کی دفعات شامل ہیں۔
خواجہ عمران نذیر کو لاہور میں مریم نواز کی پیشی کے موقع پر نیب آفس کے باہر ہونے والی ہنگامہ آرائی کے کیس میں گزشتہ روز گرفتار کیا گیا تھا۔
خواجہ عمران نذیر کی گاڑی کو ٹریفک وارڈنز نے روک کر فیصل ٹاؤن پولیس کے سپرد کیا تھا جبکہ فیصل ٹاؤن پولیس نے خواجہ عمران نذیر کو چوہنگ پولیس کے حوالے کر دیا تھا۔
نون لیگی رہنما خواجہ عمران نذیر سمیت دیگر کے خلاف چوہنگ پولیس اسٹیشن میں مقدمہ درج ہے۔
