طالبان سے بات چیت سب کے مفاد میں ہے: نیڈ پرائس

امریکا کے محکمۂ خارجہ کے ترجمان نیڈ پرائس کا کہنا ہے کہ طالبان کے ساتھ بات چیت جاری رکھنا سب کے مفاد میں ہے۔

واشنگٹن میں نیوز کانفرنس کرتے ہوئے امریکا کے محکمۂ خارجہ کے ترجمان نیڈ پرائس نے کہا کہ طالبان سے وعدوں پر عمل ہوتے ہوئے دیکھنا چاہتے ہیں۔

انہوں نے کہا کہ افغان حکومت کے ساتھ تعلقات کے لیے معاملات کا جائزہ لے رہے ہیں، افغانستان میں 20 سال سے حاصل ہونے والے مفادات ضائع نہیں ہونے چاہئیں۔

افغانستان میں لڑکیوں کو تعلیم کی اجازت ہونی چاہیئے: ملالہ یوسف زئی

کم عمر ترین نوبل انعام یافتہ تعلیمی و سماجی رہنما ملالہ یوسف زئی کا کہنا ہے کہ افغانستان میں تمام لڑکیوں کو تعلیم حاصل کرنے کی اجازت ہونی چاہیئے۔

نیڈ پرائس کا کہنا ہے کہ طالبان کے ساتھ رابطے میں ہیں اور افغان عوام کی مدد جاری رکھیں گے، تمام ممالک اس بات پر متفق ہیں کہ وہ سب کرنا چاہتے ہیں جو کر سکتے ہیں۔

انہوں نے کہا کہ انسانی بحران سے بچنے کے لیے بات چیت جاری رکھنا ہو گی، افغان بینک کے منجمد 10 ارب ڈالر کا معاملہ فیڈرل ریزرو دیکھ رہا ہے۔

ترجمان امریکی محکمۂ خارجہ نے کہا کہ زلمے خلیل زاد کی طالبان سے بات چیت جاری ہے، کابل ایئر پورٹ سے امریکی و دیگر شہریوں کی روانگی میں طالبان کے تعاون کو سراہتے ہیں۔

افغان صورتِحال سے سب سے زیادہ پاکستان متاثر ہوا: منیر اکرم

اقوامِ متحدہ میں پاکستان کے مستقل مندوب منیر اکرم نے کہا ہے کہ پاکستان میں اب بھی 30 لاکھ افغان مہاجرین موجود ہیں، افغانستان کی صورتِ حال، تنازع کے نتائج سے سب سے زیادہ پاکستان متاثر ہوا، نام نہاد دہشت گردی کے خلاف جنگ میں 80 ہزار پاکستانی جاں بحق ہوئے، پاکستان کی معیشت کو 150 ارب ڈالر سے زیادہ کا نقصان ہوا۔

انہوں نے مزید کہا کہ طالبان کی جانب سے اس طرح کے اقدامات عالمی پذیرائی حاصل کر سکتے ہیں، افغانستان میں رہ جانے والے امریکیوں سے رابطے میں بھی ہیں۔

امریکا کے محکمۂ خارجہ کے ترجمان نیڈ پرائس نے نیوز کانفرنس میں افغانستان کی موجودہ صورتِ حال میں پاکستان کے کردار کو بھی سراہا۔