کراچی (این این آئی)نگراں سندھ حکومت کی جانب سے واٹر کارپوریشن سسٹم کے اندرکرپشن میں ملوث افسران کیخلاف تحقیقات شروع کردی گئیں،کرپشن میں ملوث سسٹم سے تعلق رکھنے والے افسران کو عہدوں سے فارغ کرنے کا بھی فیصلہ کیا گیا ہے۔ذرائع کے مطابق اختیارات کا ناجائز استعمال کرنے والے افسران کیخلاف سخت کارروائی کی جائے گی، محکمہ آر آر جی، بلک واٹر سپلائی، ڈسٹری بیوشن کے افسران سے تحقیقات کا فیصلہ کیا گیا ہے۔ذرائع نے بتایا کہ گزشتہ 10برسوں میں ترقیاتی کاموں میں کرپشن میں ملوث افسران کو تحقیقات میں شامل کیا جائے گا اور اہم عہدوں پر تعینات افسران کی آمدن اثاثوں، جائیدادوں کی بھی چھان بین شروع کی جائے گی۔ذرائع نے بتایاکہ صنعتوں، نجی رہائشی سوسائٹیز میں لگائے گئے میٹر، بلز کی تحقیقات اور کرپشن میں ملوث سسٹم سے تعلق رکھنے والے افسران کو عہدوں سے فارغ کرنے کا بھی فیصلہ کیا گیا ہے۔