فرمان الہی
نماز کے اوقات
دبئی (سبط عارف) گلگت بلتستان کے وزیر کاظم میثم نے اسکردو بین الاقوامی ہوائی اڈے کے مکمل طور پر فعال ہونے کے بعد خطے کی زرعی برآمدات اور سیاحت کے ذریعے تقریباً 20 ارب ڈالرز کمانے کا ہدف رکھا ہے۔ وزیر دبئی ایکسپو 2020 میں پاکستان پویلین میں میڈیا سے گفتگو کر رہے تھے۔ دبئی ایکسپو 2020 میں پاکستان پویلین نے ملک کے گلگت بلتستان خطے پر توجہ مرکوز کرتے ہوئے سرگرمیوں کا آغاز کیا۔ گلگت بلتستان کے وزیر کاظم میثم اور متحدہ عرب امارات میں پاکستان کے سفیر افضل محمود نے خطے کے پروموشنل مہینے کا افتتاح کیا۔ دی نیوز سے بات کرتے ہوئے وزیر کاظم میثم نے کہا کہ خطے کی غیر معمولی خوبصورتی کے پیش نظر پاکستان خطے کی سیاحت اور زرعی برآمدات سے تقریباً 20 ارب ڈالرز کما سکتا ہے۔
