• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی، اسلام آباد،پشاور سمیت مختلف شہروں میں زلزلے کے جھٹکے

آج کا اخبار
اہم خبریں
06 فروری ، 2022
اسلام آباد (این این آئی)وفاقی دارالحکومت راولپنڈی، اسلام آبادپشاور سمیت مختلف شہروں میں زلزلے کے جھٹکے محسوس کیے گئے جسکے باعث عوام میں خوف وہراس پھیل گیا ، زلزلے جھٹکوں کے دور ان لوگ کلمہ طیبہ اور درود شریف کا ورد کرتے ہوئے گھروں سے باہر نکل آئے اور کئی گھنٹے کھلے آسمان تلے گزارے تاہم کسی جانی نقصان کی اطلاع نہیں ملی۔ہفتہ کو وفاقی دارالحکومت اسلام آباد جڑواں شہر راولپنڈی سمیت خیبر پختونخوا میں زلزلے کے جھٹکے پشاور، لوئر دیر، باجوڑ، مالاکنڈ نوشہرہ، شمالی وزیرستان کے علاوہ مردان، سوات، مانسہرہ، صوابی اور بونیر میں زلزلے کے جھٹکے محسوس کیے گئے۔اطلاعات کے مطابق لاہور اور شیخوپورہ اور مری میں زلزلے کے جھٹکے محسوس کیے گئے ،سرگودھا، میانوالی، لیہ، بھکر، کمالیہ اور ملتان بھی زلزلے لرز اٹھا، اس کے علاوہ زلزلے کے جھٹکے آزاد کشمیر، گلگت بلتستان اور اسکردو میں بھی محسوس کیے گئے۔ میڈیا رپورٹ کے مطابق 9 بجکر 18 منٹ پر زلزلے کے جھٹکے محسوس کیے گئے،زلزلہ پیمامرکز کے مطابق زلزلے کا مرکز افغانستان میں ہندوکش کاعلاقہ تھا اور زلزلے کی شدت 5.9 تھی جبکہ زیر زمین گہرائی 210کلو میٹر تھی۔
اہم خبریں سے مزید