پشاور (نمائندہ جنگ) محکمہ صحت خیبر پختونخوانے چارسدہ روڈ پر کارروائی کرتے ہوئے گوداموں سے 5کروڑ روپے مالیت کی پیناڈول کے 27 ہزار کاٹن برآمد کر لئے ، ڈسٹری بیوٹر ریٹیلرز کی بجائے ہول سیل ڈیلرز کو بلیک میں اسٹاک مہیا کرتے تھے، کورونا وبا کی وجہ سے اس برانڈ کا استعمال اور قیمتیں بڑھ گئی تھیں محکمہ صحت کے حکام نے ادویات کی دستیابی کیلئے کارروائی کے احکامات جاری کئے تھے ۔ ڈپٹی سیکرٹری ڈرگز ابراہیم خان کے مطابق وزیر صحت تیمور سلیم جھگڑا کی ہدایت پر کارروائی کی گئی۔ چند روز قبل میڈیا و سوشل میڈیا پر خبریں چلیں کہ مارکیٹ میں کورونا سے بچائو کی ادویات ناپید ہوگئی ہیں جس پر وزیر صحت تیمور سلیم جھگڑا اور سیکرٹری صحت طاہر خان نے کارروائی کے احکامات جاری کئے۔ انہوں نے کہا کہ تمام ڈسٹری بیوٹرز سے ادویات کا ڈیٹا لیا گیا جس کے بعد سینئر ڈرگ انسپکٹر مہتاب افسر نے ٹیم کے ہمراہ ڈسٹری بیشن ڈپو کی چیکنگ شروع کی ۔
فرمان الہی
نماز کے اوقات
