فرمان الہی
نماز کے اوقات
اسلام آباد (نمائندہ جنگ)وفاقی وزیر مواصلات مرادسعید نے کہا ہے ک میری کارکردگی پر تبصرہ نہیں ہوتا، ذات سے متعلق غلیظ گفتگو ہوتی ہے،وزارت نے تمام اہداف پورے کئے، ن لیگ دور سے سستی سڑکیں بنائیں.
(ن) لیگ اور پیپلزپارٹی کے سیل سوشل میڈیا پر میرے اور ادارے کے خلاف منفی مہم میں پیش پیش ہیں ، غلیظ مہم پر متعلقہ ادارے کو شکایت درج کرائی ، شکایت درج کرانا میرا قانونی حق ہے، بحیثیت پاکستانی آئین پاکستان پر اعتماد اور یقین رکھتے ہوئے قانونی طریقہ کار اپنایا۔
جمعرات کو پریس کانفرنس میں وفاقی وزیر نے کہا کہ 2013 میں صبح اٹھ کر پارلیمنٹ میں اچانک نہیں پہنچا،2013 میں واضح برتری کے ساتھ نشست جیت کر پارلیمنٹ پہنچا،میں نے طویل سیاسی جدوجہد کے بعد یہ مقام حاصل کیا۔
اپنی کارکردگی کی بنیاد پر وزیرمملکت سے وفاقی وزیر بنا ، پارلیمنٹ میں دلیل سے بات کرتا ہوں ، سیاست میں جی حضوری نہیں کرنے آیا ۔
ریمنڈڈیوس اور ڈرون حملوں کے خلاف باہر نکلا، انصاف سٹوڈنٹ فیڈریشن کو ملک بھر میں منظم کیا ،عدلیہ بحالی تحریک میں بھی حصہ لیا ،ڈگری کے مسئلہ پر عدالت سے سرخرو ہوا۔
