• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سبی میں وطن سے محبت پر مبنی فلم کو عوام کی جانب سے بھرپور پذیرائی

میرا شہر
کوئٹہ
22 فروری ، 2022
کوئٹہ(پ ر)سبی میں نوجوانوں کیلئے فلم کی نمائش کا اہتمام،دلچسپ تاریخی معلومات سے بھرپور اور وطن سے محبت پر مبنی فلم کو عوام کی بھرپور پذیرائی حاصل ہوئی۔ تفصیلات کے مطابق فرنٹیر کور بلوچستان نارتھ کی جانب سے تاریخی ورثے اور ثقافتی پہچان کو پروان چڑھانے کیلئے سبی سکائوٹس کے سپورٹس کمپلیکس میں کھیل کھیل میں کے نام سے معلوماتی فلم بڑی اسکرین پر دکھائی گئی ۔ محب وطنی اور بھائی چارے کے مثبت کرداروں سے مزین فلم میں عوام، قبائلی عمائدین، نوجوانوں، مختلف اداروں کے طالبعلموں نے بھرپور دلچسپی کا اظہار ظاہر کیا۔ اس موقع پر شرکاء کو کمانڈنٹ سبی سکائوٹس کی جانب سے بلوچستان میں امن و امان کے قیام کیلئے سیکورٹی فورسز کے کردار ، بلوچستان میں شرپسندی و دہشت گردی کے محرکات پر تفصیلی بریفنگ دی گئی ۔ شرکاء نے فلم کھیل کھیل میں کی رونمائی کو سراہتے ہوئے کہا کہ ان کو اپنے مملکت خداداد کے وجود و وقار، ریاستی اداروں اور سیکورٹی فورسز کے کردار پر فخر ہے۔
کوئٹہ سے مزید