فرمان الہی
نماز کے اوقات
کوئٹہ ( اسٹاف رپورٹر) پشین پولیس نےسرخاب تھانے سے 15روز قبل لاک اپ سے فرار ہو نے والے منشیات فروش ملزم کو توبہ اچکزئی سے دوبارہ گرفتار کر لیا پولیس کے مطابق سرخاب پولیس نے 7فروری کو منشیات فروش ملزم شوکت علی کو آٹھ کلو چرس برآمد ہونے پر گرفتار کیا تھا جو 9اور 10فروری کی درمیانی شب لاک اپ سے فرار ہو گیا تھا ملزم کے فرار کا آئی جی بلوچستان محمد طاہر رائے نے نوٹس لیتے ہوئے ایس ایس پی پشین حلیم اچکزئی کو ملزم کو گرفتار کرنے کی ہدایت کی تھی جس پر ملزم کی تلاش شروع کی گئی گزشتہ روز ایس ایس پی کو خفیہ اطلاع ملی تھی کہ ملزم توبہ اچکزئی میں موجود ہے جس پر دیگر عملے کے ہمراہ کارروائی کرتے ہوئے 15روز بعد ملزم کو دوبارہ گرفتار کر کے فرار کا مقدمہ بھی درج کر لیا ۔
