• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور، گاڑی میں سی این جی گیس بھرتے دھماکہ، ایک شخص جاں بحق3، زخمی

آج کا اخبار
اہم خبریں
28 مارچ ، 2022
پشاور(نمائندہ جنگ) کوہاٹ روڈ پر رنگ روڈ کے قریب سی این جی پمپ میں گیس بھرنے کے دوران گاڑی میں سلینڈر دھماکہ ہوگیا جس سے ایک شخص جاں بحق جبکہ تین افراد زخمی ہوگئے۔ ریسکیو1122 کے مطابق کرولا گاڑی میں سلنڈردھماکہ اس وقت ہوا جب اس میں سی این جی ڈالی جا رہی تھی۔ اطلاع ملتے ہی ریسکیو1122کی ایمبو لینسز اورفائر ویکل نے پہنچ کر امدادی کارروائیاں شروع کیں، سلنڈر دھماکے سے 4افراد زخمی ہوئے جنہیں ریسکیو ایمبولینس میں ہسپتال منتقل کیا گیا تاہم ہسپتال میں ڈاکٹروں نے ایک شخص کے جاں بحق ہونے کی تصدیق کردی ہے۔ زخمیوں کی شناخت عبدالرحمان، حمزہ اللہ ،عاقب اور جاں بحق شخص کی شناخت یاسین کے نام سے ہوئی ہے۔ واقعہ کی اطلاع ملنے پر پولیس نفری بھی پہنچ گئی اور جائے وقوعہ سے شواہد اکٹھا کرنیکا کام شروع کردیا۔ بعض زخمیوں کی حالت تشویشناک بتائی جاتی ہے۔
اہم خبریں سے مزید