فرمان الہی
نماز کے اوقات
اسلام آباد ،دینہ ،گوجر خان( نمائندگان جنگ ) مسلم لیگ (ن) کا مہنگائی مکاؤ مارچ تاخیر کاشکار ہونے کی وجہ سے مری روڈ کی جانب آنے کی بجائے روات چوک سے اسلام آباد ایکسپریس وے پر منتقل ہوا جہاں طارق فضل چوہدری ،عدنان کیانی، راجہ وقار ،ڈپٹی مئیر چوہدری رفعت ،مئیر پیر عادل گیلانی، امجد بٹ،راجہ عبدالقدوس ،ملک عارفاورفیڈرل کیپیٹل کے جنرل سیکرٹری انجم عقیل خان کی قیادت میں ایک بڑا جلوس گولڑہ کے علاقے سے ایچ نائن گراؤنڈ پہنچا ، بدقسمتی سےمریم نواز کا کنٹینر آئی جے پی روڈ پر چڑ ھ گیااور تعمیراتی رکاوٹوں کی وجہ سے بد نظمی کاشکار ہوگیا ، مارچ میں شریک گاڑیاں من مرضی اختیار کرتے ہوئے مختلف راستوں سے ایچ نائن گراؤنڈ پہنچیں ، مہنگائی مکاؤ مارچ روٹ تبدیل ہونے کی وجہ سے جہلم روڈ اور مری روڈ پر استقبال کیمپ لگا کر اپنی قائد کا استقبال کرنے کے خواہاں لیڈروں کی خواہش دل ہی میں رہ گئی اور وہ استقبالیہ کیمپ چھوڑ کر مری روڈ اور نائنتھ ایونیو کے راستے ایچ نائن گراؤنڈ پہنچ گئے ، پیپلز پارٹی کے وفد نے بھی مہنگائی مکاؤ مارچ میں شرکت کی، ریلی کے شرکاء جوش وخروش سے گو نیازی گو کے نعرے لگا تےرہے ۔
