فرمان الہی
نماز کے اوقات
راولپنڈی (مانیٹرنگ ڈیسک) وزیر اطلاعات مریم اورنگزیب کا کہنا ہے کہ ہم عمران خان کا پھیلایا گند اور غلاظت صاف کر رہے ہیں، عمران خان گوگی کو اور شہباز شریف عوام کو بچانے کی کوشش کر رہے ہیں، تباہ معیشت،بد ترین مہنگائی کی وجہ عمران کی کرپشن اور لوٹ مار،گوگی پچاؤ تحریک کا عنوان ’’بیرونی سازش‘‘ ہے۔ سابق وفاقی وزیر اور تحریک انصاف کے رہنما فواد چوہدری کے بیان پر ردعمل کا اظہار کرتے ہوئے وزیر اطلاعات مریم اورنگزیب کا کہنا تھا کہ یہ بیرونِ ملک سازش کا رونا نہیں یہ گوگی بچاؤ کا ماتم ہے۔ وزیراطلاعات کا کہنا تھا کہ سازشی ٹولے نے چار سال ملک کو لوٹا اور عوام کے خلاف سازش کی، چور ٹولے نے چار سال خزانہ اور توشہ خانہ لوٹا، اب گوگی پچاؤ تحریک کا عنوان ’’بیرونی سازش‘‘ ہے۔ انہوں نے 4 سال عوام کو لوٹا اور اب رو دھو اور چیخیں مار کے وقت گزار رہے ہیں، عمران خان گوگی اور وزیراعظم شہباز شریف عوام کو بچانے کی کوشش کر رہے ہیں۔ مریم اورنگزیب نے کہا کہ ملک میں مہنگائی کی شرح تاریخ کی بلند ترین سطح پہ ہونے کی وجہ عمران خان کی نالائقی، ناااہلی اور لوٹ مار ہے۔
