• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشین، گاڑی سے لاکھوں امریکی ڈالرز، سعودی ریال اور گھڑیاں برآمد

آج کا اخبار
اہم خبریں
18 جون ، 2022
پشین ( آئی این پی ) پشین کے علاقے یارو میں کسٹم کی جا نب سے کا میاب کارروائی کے نتیجے میں لا کھوں امریکی ڈالرز، سعودی ریا ل اور قیمتی گھڑیاں برآمد کر کے ایک ملزم کو گرفتار کر لیا گیا ۔ 9کروڑ 51لاکھ روپے مالیت کا سامان اسمگل کیا جا رہا تھا، ملزم گرفتار، گاڑی قبضے میں لے لی گئی،کسٹم ذرا ئع کے مطابق گزشتہ روز کسٹم عملے کی جا نب سے کلکٹر کسٹم خالد جمالی کی ہدایت پر انسپکٹر بشیر وزیر اور جمیل کاکڑ کی نگرانی میں پشین کے علا قے یا رو میں ایک کا رروائی کے دوران 2لاکھ امریکی ڈالر، 9لاکھ سعودی ریال اور200قیمتی گھڑیاں بھی برآمد کرلی گئیں برآمد کی گئی غیر ملکی کرنسی اور گھڑیوں کی مالیت 9کروڑ 51لاکھ روپے ہیں،کسٹم ذرائع کے مطابق کا رروائی میں غیر ملکی کرنسی اور گھڑیوں کی اسمگلنگ میں ملوث ملزم کو گرفتار کر کے اسمگلنگ میں استعمال کی جا نے والی گاڑی قبضے میں لے لی گئی ،ملزم کے خلاف قانونی کارروائی کا آغاز کر دیا گیا ہے۔
اہم خبریں سے مزید